اعمل دايت ازاي وانا بروح الجامعه ؟؟!
اول حاجه ده مش دايت محسوب سعرات ولا معدلات سكر ف ده مش الدايت ،، دي الطريقه الي ممكن تمشي بيها يومك
نصحي بدري نص ساعه بس - اها والله عادي خالص - 😅😅
عندك اختيارين
شوفان ومعاه رمان ومعاهم كوب لبن او زبادي مثلا ويبقي بدايه تحفه وقيمه غذائيه كويسه
او اتنين توست بني وتحط فيه مثلا جبنه قريش وممكن تتعمل معاه زبادي وفي الخلاط بتبقي ناعمه جدا او جبنه فيتا لايت او شريحه تركي مدخن ( دي مش احسن حاجه بس ممكن )
وتقسميها نصين تاخدي جزء قبل متنزل وجزء بعد اول محاضره مثلا
في نص اليوم بقي نبعد خالص عن بسكوت دايت و فيتنس بار وعصير بيور كل دي اختيارات سيئه جدا
ونبدلها مثلا ب مكسرات و فاكهه متقطعه وخضار عادي وربي تنفع ويبقي شكلك هيلثي وشيك وكله تمام 😅
نيجي بقي للناس الي بتروح متاخر وهتتغدي متاخر
عندك حلين ياما تاخد بطاطا كنشويات معقده في نص اليوم
وبالليل لما تروح هتاكل البروتين بس بتاعك سمك لحمه فراخ من غير نشويات مثلا
او تتصرف وانت بره في اي محل بيقدم اكل صحي او مشويات مثلا
ويبقي اخر وجبه زبادي وخضار او حسب دايت بتاعك
تعليقات
إرسال تعليق